O‘zbekiston tashqi savdosi yetti oyda salkam 35 mlrd dollarga yetdi
Statistika agentligi maʼlumotlariga ko‘ra, 2023-yilning yanvar—iyul oylarida O‘zbekistonning tashqi savdo aylanmasi 34,9 milliard dollardan oshgan.
Qayd etilishicha, tashqi savdo aylanmasi hajmi o‘tgan yilning mos davriga nisbatan solishtirilganda 23,3 foizga oshgan.
Eksport – 14,9 milliard dollar:
- mahsulotlar – 12 milliard;
- xizmatlar – 2,9 milliard.
Import – 20 milliard dollar:
- mahsulotlar – 18,8 milliard;
- xizmatlar – 1,2 milliard.
O‘zbekiston davlat qarzi 2022-yilda 29,2 mlrd dollarni tashkil etib, yalpi ichki mahsulotga nisbatan 36,4 foizga yetgan. Bu mamlakat davlat qarzining shu paytga qadar eng yuqori ko‘rsatkichi hisoblanadi.
O‘zbekiston iqtisodiyotining rivojlanish prognozlari
O‘zbekistonda 2023-yilda iqtisodiy o‘sish 5,1 foizni tashkil etishi (Yevropa va Markaziy Osiyo mintaqasidagi hozirda prognoz qilinayotgan eng yuqori o‘sish) va o‘rta muddatli istiqbolda bosqichma-bosqich tezlashishi prognoz qilingan.
Rossiyaning Ukrainadagi urushi va Rossiyaga qarshi joriy etilgan sanksiyalar bilan bog‘liq transport logistikasidagi qiyinchiliklar oziq-ovqat va energiya narxlarining yuqori bo‘lishiga va shaxsiy iste’molni kamaytirishga turtki bo‘lib qolishi kutilmoqda.
