Bahodir Jalolov nigeriyalik bokschini 1-raundda nokautga uchratib, prof boksdagi 13-g‘alabasini qo‘lga kiritdi

O‘zbekistonlik bokschi Bahodir Jalolov 26-avgustdan 27-avgustga o‘tar kechasi nigeriyalik Onoriode Ehveriemega qarshi ringga ko‘tarildi. 

8 raundga mo‘ljallangan jangda Jalolov birinchi raunddayoq nigeriyalik raqibini nokautga uchratdi. 

Shu tariqa Bahodir Jalolov prof ringdagi o‘n uchinchi, Top Rank promouterlik kompaniyasi bilan hamkorlikdagi ilk jangida g‘alaba qozondi. Ularning barchasida o‘zbekistonlik bokschi muddatidan avval g‘alabani qo‘lga kiritgan.

Eslatib o‘tamiz, Bahodir professional boksdagi so‘nggi jangini 2022-yilning noyabr oyida amerikalik Kyortis Harperga qarshi o‘tkazib, 4-raundda nokaut evaziga g‘alaba qozongandi.