Mariya Zaxarova: “Rossiya ishtirokisiz don kelishuvi bo‘lishi mumkin emas”
Rossiya TIV matbuot kotibi Mariya Zaxarova Rossiya ishtirokisiz g‘alla bitimi haqida gap bo‘lishi mumkin emasligini aytib o‘tdi.
“Agar Rossiya ishtirok etayotgan shartnoma haqida gapiradigan bo‘lsak, u Rossiya Federatsiyasisiz ishlay olmaydi. Bu umuman mumkin emas. Agar Rossiya ishtirok etmaydigan boshqa ba’zi shartnomalar haqida gap ketadigan bo‘lsa, unda bu haqda xuddi shunday — ochiq-oydin yozish kerak”, — ta’kidladi Zaxarova.
Shuningdek, u don kelishuvi Sergey Lavrov va turkiyalik hamkasbi Hoqon Fidan o‘rtasida Moskvada bo‘lib o‘tadigan muzokaralarda muhokama qilinadigan mavzulardan biri bo‘lishini ham aytib o‘tdi.
Avvalroq Turkiya “don kelishuvini” yangilash bo‘yicha takliflar ustida ishlayotgani, ehtimoliy muzokaralar Istanbulda bo‘lib o‘tishi mumkinligi xabar qilingandi.
Keyinroq esa Turkiya prezidenti Rajab Toyyib Erdo‘g‘on rossiyalik hamkasbi Vladimir Putin bilan uchrashish uchun Rossiyaga borishi, uning bu tashrifi g‘alla bo‘yicha kelishuvni amalga oshirishni davom ettirish uchun muhim qadam bo‘lishi ma’lum qilindi.
