Pensiyani plastik kartaga o‘tkazish uchun qayerga murojaat qilinadi?

Pensiya jamg‘armasi pensiya va nafaqalarni plastik kartaga o‘tkazish qanday amalga oshirilishi haqida ma’lumot berdi.

Qayd etilishicha, pensiya va nafaqalarni bank plastik kartalariga o‘tkazish uchun arizalar tijorat banklarida karta ochish jarayonida yoki bankning mobil ilovasi orqali rasmiylashtiriladi.

“Bunda, fuqarolardan Pensiya jamg‘armasining tuman yoki shahar bo‘limlariga murojaat etish talab qilinmaydi”, — deydi jamg‘arma bosh mutaxassisi Baxriddin Ziyatov.

Ma’lumot uchun, avgust oyida 4,5 million nafar fuqaroga pensiya va nafaqa to‘landi. Shundan qariyb 3,2 million nafari yoki 71 foizi pensiya va nafaqasini naqd pulsiz shaklda (plastik kartaga) olgan.

Avvalroq O‘zbekistonda 2023-yil 1-iyul holatiga ko‘ra, 401,9 ming nafar qancha pensioner 50 dollardan kam pensiya olayotgani ma’lum qilingandi.