Germaniya, Italiya, Shvetsiya va Ispaniya yangi tank yaratish bo‘yicha shartnoma imzoladilar

Germaniya Italiya, Ispaniya va Shvetsiya bilan Leopard 2 tankining keyingi avlodini ishlab chiqish bo‘yicha shartnomalar imzoladi. Bu haqda Handelsblatt gazetasi xabar berdi.

Tankni ishlab chiqish uchun Krauss-Maffei Wegmann (KMW) va Rheinmetall kompaniyalari mas’ul bo‘ladi. Biroq Rheinmetall va KMW shartnoma haqidagi ma’lumotga izoh berishdan bosh tortdi. Germaniya Mudofaa vazirligi ham shartnoma imzolangani haqidagi ma’lumotga izoh bermadi.

Loyihada Shvetsiyaning Saab va Italiyaning Leonardo kompaniyalari ham ishtirok etadi. Ispaniyadan qaysi kompaniya ishtirok etishi noma’lum.

Fransiya va Germaniya 2017-yilda ham xuddi shunday shartnoma imzolagan edi. Biroq mamlakatlar tankning xususiyatlari bo‘yicha kelisha olmadilar.

Fransiya ancha yengil tank ishlab chiqarishni maqsad qilgan, Germaniya esa og‘irroq zirhli tankni ma’qul ko‘rgan.