Ozoda Nursaidovadan Leonid Agutingacha: Munisa Rizayevaning “yil to‘yi” sifatida e’tirof etilayotgan dabdabali nikoh oqshomidan reportaj (foto, video) 

7-sentabr kuni “Zo‘r TV” telekanalining pavilyonida xonanda Munisa Rizayevaning nikoh to‘yi bo‘lib o‘tdi. Xonandaning to‘yi uchun pavilyonda maxsus dekoratsiya qurildi. Ijtimoiy tarmoqlarda ushbu kecha “yil to‘yi” sifatida e’tirof etilmoqda. 





Yoshlar dastlab poytaxtdagi mehmonxonalardan birida fotosessiya o‘tkazdi.  Vayner Liil Xurramov fotosessiya jarayonidan videoreportaj tayyorladi. Uning aytishicha, Munisa o‘ta og‘ir ko‘ylak kiygani tufayli uning harakatlanishiga 6 nafar qiz yordam berib turgan. 

Kelin pavilyonga Ozoda Nursaidovaning so‘zlari o‘zgartirilgan “Yor-yor” qo‘shig‘i sadolari ostida kirib keldi. Uni kuyovning yoniga otasi kuzatib qo‘ydi

O‘zbekiston xalq artisti Farruh Zokirov to‘yni ochib berdi va yoshlarga baxt tiladi. 

Munisa va Arseniyni tabriklash uchun o‘zbek shou-biznesining ko‘plab taniqli vakillari, shuningdek rossiyalik xonanda Leonid Agutin ham tashrif buyurdi. Kelin-kuyov Agutinning xit qo‘shiqlariga yaqinlari bilan raqsga tushishdi