Xanchjou—2022. Lazizbek Mullajonov hindistonlik raqibini mag‘lub etdi va keyingi bosqichga yo‘l oldi

Xanchjou—2022 XIX yozgi Osiyo o‘yinlari 27-sentabr, chorshanba kuni davom ettirilmoqda. 

Boks bo‘yicha O‘zbekiston terma jamoasi a’zosi Lazizbek Mullajonov (-92 kg) ham Osiyo o‘yinlaridagi debyut jangini ishonchli g‘alaba bilan boshladi.

Hindistonlik Sanjit bilan jang qilgan Lazizbek 5:0 hisobida zafar quchdi.

Avvalroq, Hasanboy Do‘stmatov, Asadxo‘ja Mo‘ydinxo‘jayev hamda Abdumalik Halokovlar ham musobaqani g‘alaba bilan boshlagandi. 

Shuningdek, 27-sentabr kungi bahslarda bokschi Sabina Boboqulova (-50 kg) singapurlik Do Danishini 5:0 hisobida mag‘lub etib, keyingi bosqichga yo‘l oldi.