Xanchjou—2022. Ulug‘bek Rashitovda oltin, Feruza Sodiqovada kumush medal, shaxmatchilar ham g‘alabali yurishini davom ettirmoqda

Xanchjou—2022 XIX yozgi Osiyo o‘yinlari 27-sentabr, chorshanba kuni davom ettirilmoqda.

Taekvondo bahslarida Ulug‘bek Rashitov (-68 kg) iordaniyalik Karim Zaidni mag‘lub etib, oltin medalga sazovor bo‘ldi. 

Taekvondo bahslarida Feruza Sodiqova -67 kg vazn toifasida kumush medalni qo‘lga kiritdi. Finalda xitoylik Ji Song Feruzadan ustun keldi va Sodiqova musobaqani ikkinchi o‘rinda yakunladi.

Shaxmat bahslarida 8-tur yakunlandi. Erkaklar o‘rtasida medallarga da’vogar Nodirbek Abdusattorov hamda Javohir Sindorov, qizlardan Umida Omonova o‘z partiyalarida g‘alaba qozondi. Oldinda oxirgi tur. Hozircha Nodirbek va Umida ikkinchi, Javohir beshinchi pog’onada turibdi.

8-tur natijalari:

Nodirbek Abdusattorov 1 - 0 Arjun Erigaisi (Hindiston)
Javohir Sindorov 1 - 0 Siangji Bu (Xitoy)
Mobina Alinasabalamdari (Eron) 1 - 0 Nilufar Yoqubboyeva 
Jansaya Abdumalik (Qozog’iston) 0 - 1 Umida Omonova.