Xanchjou—2022. Bahodir Jalolov 1-raunddayoq raqibini nokautga uchratdi 

Xanchjou—2022 XIX yozgi Osiyo o‘yinlari 3-oktabr, seshanba kuni davom ettirilmoqda. 

Boks bo‘yicha Tokio-2020 Olimpiadasi chempioni Bahodir Jalolov Osiyo o‘yinlarining finaliga yo‘l oldi.

Eng og‘ir vazn toifasida O‘zbekiston sharafini himoya qilayotgan Jalolov yarim finalda xitoylik Bayikevuzi Danabiekeni 1-raunddayoq nokaut bilan mag‘lubiyatga uchratishga erishdi va 5-oktyabr kuni oltin medal uchun jang qiladigan bo‘ldi.

Shuningdek, Jalolov Parij—2024 XXXIII yozgi Olimpiya o‘yinlariga ham yo‘llanmani qo‘lga kiritdi.

Eslatib o‘tamiz, Bahodir bundan avvalgi bosqichda tojikistonlik Muhammad Abroriddinovni katta ustunlik bilan dog‘da qoldirgandi.