Farg‘onada bedarak yo‘qolgan erkak 3 yildan buyon qidirilmoqda. Topishda yordamlashganlar rag‘batlantiriladi
Farg‘ona viloyati Qo‘qon shahrida bedarak yo‘qolgan erkak 3 yildan buyon qidirilmoqda. Viloyat IIB uni topishda ko‘mak so‘radi.
Farg‘ona viloyati IIB tomonidan Qo‘qon shahar, Guzar ko‘chasi 4-uy, 17-xonadonda yashagan, 1958-yilda tug‘ilgan Yusupov Rustam Muxitdinovich 2020-yilda yashash xonadonidan nomaʼlum tomonga chiqib ketib, bedarak yo‘qolganligi sababli qidirilmoqda.
Egnida: bosh kiyimsiz, ko‘k rangli ko‘ylagi, qora rangli shimi, oyog‘ida qora rangli tuflisi bo‘lgan.
Belgilari: bo‘yi taxminan 170-175 sm, oq-sariq rangda, gavda tuzilishi to‘lachadan kelgan, sochi siyrak oq oralagan, ko‘zi qora, qoshi o‘rtacha qora, yuzi to‘lachadan kelgan, quloqlari o‘rtacha, labi o‘rtacha, burni kattaroq.
Bedarak yo‘qolgan fuqaro to‘g‘risida maʼlumotga ega bo‘lgan fuqarolardan quyidagi raqamlarga qo‘ng‘iroq qilish so‘ralgan: 73-244-02-85, 73-244-02-76, 93-042-04-04 yoki 102
Bedarak yo‘qolgan shaxsning topilishida amaliy yordam bergan fuqarolarning shaxsiga oid maʼlumotlar sir saqlanadi va moddiy rag‘batlantiriladi.
