Rasman: Mayk Tayson O‘zbekistonga keladi (video) 

Boks bo‘yicha Butunjahon boks ittifoqi (WBC) 2023-yilning noyabr oyida tashkilotning yillik konvensiyasini Toshkent shahrida o‘tkazadi. 

Markaziy Osiyo davlatlar ichida ilk bor O‘zbekistonda o‘tkaziladigan nufuzli tadbir 12—17-noyabr sanalariga belgilangan. Tadbirda boks dunyosining eng mashhur yulduzlari ishtirok etishi kutilmoqda.

Shuningdek, 17-noyabr sanasida “Humo Arena”da boks kechasi ham o‘tkaziladi. Unda o‘zbekistonlik bokschilar Mujibillo Tursunov, Mirazizbek Mirzaxalilovlar ishtirok etadi. Shu bilan birga, Markaziy Osiyo WBC kamari uchun Anvar Turopov va Suhrob Qayumovlar jang qiladi.

Afsonaviy bokschi Mayk Tayson videomurojaat yo‘llab, Toshkentga kelayotganini tasdiqladi. 

Avvalroq, Kostya Szyu, Evander Holifild kabi boks yulduzlari ham videomurojaat yo‘llab, O‘zbekistonga kelayotganini ma’lum qilgandi.