A Seriya. “Roma” Eldor Shomurodov to‘p surayotgan “Kalyari” ustidan yirik hisobda g‘alabaga erishdi (video)

Futbol bo‘yicha Italiya A Seriyasining 8-turida “Roma” 8-oktabr, yakshanba kuni “Kalyari”ga qarshi maydonga tushdi.

Uchrashuv rimliklarning 4:1 hisobidagi g‘alabasi bilan yakunlandi. “Roma” safida Ussem Auar va Andrea Belotti bittadan gol urdi, Romelu Lukaku esa dubl muallifiga aylandi. “Kalyari” tarkibida esa Nandes penaltidan unumli foydalandi. Qayd etib o‘tish joiz, Eldor Shomurodov 74-daqiqada zaxiradan maydonga tushirildi.

“Roma” ochkolari sonini 11 taga yetkazdi va 10-o‘ringa ko‘tarilib oldi. “Kalyari” esa 2 ochko bilan 20-pog‘onani band etgan.

A Seriya

8-tur bahsi

8-oktabr, yakshanba

“Kalyari” – “Roma” 1:4

Gollar: 0:1 – 19 Auar, 0:2 – 20 Lukaku, 0:3 – 51 Belotti, 0:4 – 59 Lukaku, 1:4 – 87 Nandes (penalti).

“Kalyari”: Skuffet, Veteska, Xasidyakos (Zappa, 46), Obert (Dossena, 68), Assi, Nandes, Makumbu, Prati, Sulemana (Luvumbu, 39), Oristanio (Shomurodov, 74), Petanya (Pavoletti, 68).

“Roma”: Ruy Patrisiu, Karsdorp (Kristensen, 69), Manchini, Ndika, Kristante, Spinassola, Paredes (Chelik, 79), Auar (Pagano, 69), Bove, Dibala (Belotti, 40), Lukaku.

Ogohlantirishlar: Paredes (11), Sulemana (14), Auar (32), Bove (45), Obert (61).