Yevropa Ittifoqi Falastinga yordam berishni to‘xtatdi

Yevropa Ittifoqi Isroilga qarshi tajovuz munosabati bilan Falastinga barcha yordamlarni muzlatishini e’lon qildi. Yordam doirasidagi barcha loyihalar qayta ko‘rib chiqilishi ma’lum qilindi.

Bu haqda X ijtimoiy tarmog‘ida Yevropaning kengayish va qo‘shnichilik siyosati bo‘yicha komissari Oliver Vargeliy yozdi.

“Isroil va uning xalqiga qarshi terror va shafqatsizlik ko‘lami burilish nuqtasiga aylandi. Falastinliklarga eng yirik donor bo‘lgan Yevropa komissiyasi 691 million yevrolik rivojlanish yordami paketini qayta ko‘rib chiqishni boshlaydi. Ungacha barcha to‘lovlar to‘xtatib turiladi”, — deb yozdi u.