NATO yadro sinovlarini qayta boshlashni rejalashtirmayapti

 NATO bosh kotibi Yens Stoltenberg Rossiya yadroviy sinovlarni taqiqlash to‘g‘risidagi shartnomani ratifikatsiyasini bekor qilishi tufayli NATO yadro sinovlarini qayta tiklamoqchi emasligini ma’lum qildi.

“Bizda bunday sinovlarni qaytadan boshlash rejasi yo‘q”, — dedi u matbuot anjumanida.

Avvalroq Rossiya prezidenti matbuot kotibi Dmitriy Peskov Rossiyaning Yadroviy sinovlarni to‘liq taqiqlash to‘g‘risidagi shartnomani ratifikatsiyasini bekor qilishi Moskvaning yadroviy sinovlar o‘tkazish niyati borligini anglatmasligini aytib o‘tgandi.

Yadroviy sinovlarni to‘liq taqiqlash to‘g‘risidagi shartnoma BMT Bosh assambleyasining 50-sessiyasida (1996-yil 10-sentyabr) qabul qilingan va 1996-yil 24-sentabrdan boshlab imzolash uchun ochilgan.