Isroil armiyasi G‘azo sektoridagi HAMAS nishonlariga keng ko‘lamli zarbalar berishni boshladi

Isroil harbiylari G‘azo sektoridagi Falastinning Hamas tashkiloti nishonlariga keng ko‘lamli hujumlar uyushtira boshladi. Bu haqda Isroil armiyasi matbuot xizmati xabar berdi.

“Isroil mudofaa kuchlari hozirda G‘azo sektoridagi HAMASga tegishli nishonlarga keng ko‘lamli hujum uyushtirmoqda. Tafsilotlar keyinroq bo‘ladi”, — deyiladi bayonotda.

Avvalroq AQSH G‘azo sektorida tinch aholi uchun xavfsiz hududlar yaratish ustida BMT va boshqa tashkilotlar bilan birga ishlayotgani xabar qilingandi.

HAMAS tashkiloti esa g‘azoliklardan o‘z uylarini tark etmaslikni so‘rab, Isroilning G‘azo shimolidagi aholini janubga evakuatsiya qilish haqidagi talabini “psixologik urush” deb atagan.