Netanyaxu maxsus operatsiya maqsadlarini ma’lum qildi: "Biz HAMASni yo‘q qilamiz"
Isroilda Falastinning HAMAS harakatiga qarshi jangovar harakatlar boshlanganidan keyin tuzilgan favqulodda hukumatning birinchi yig‘ilishi bo‘lib o‘tdi. Uchrashuv halok bo‘lgan Isroil fuqarolari va harbiy xizmatchilar xotirasiga bir daqiqalik sukut saqlash bilan ochildi.
“Biz kechayu kunduz, bir jamoa va birlashgan front sifatida ishlaymiz. Oramizdagi birlik millatga, dushmanga va dunyoga aniq xabar beradi. HAMAS bizni parchalanib ketadi, deb o‘ylagandi. Aksincha, biz HAMASni yo'q qilamiz", - dedi Isroil bosh vaziri Binyamin Netanyaxu.
Shuningdek, yig'ilishda vazirlar mamlakat Mudofaa armiyasi (IDF) operatsiyasi rahbari Oded Basiukning Isroilda xavfsizlikni ta'minlash bo'yicha hisobotini tingladilar.
Favqulodda hukumat tuzilishi haqida 12-oktabr kuni e’lon qilingan edi. Uning tarkibiga Benyamin Netanyaxudan tashqari muxolifat partiyasi yetakchisi Mahane Mamlaxti, Benni Gantz va mudofaa vaziri Yoav Galant kirdi. Ular jangovar harakatlarga oid barcha muhim qarorlarni qabul qiladilar.
