Shvetsiyalik futbolchilar qotillikni eshitgandan so‘ng ikkinchi bo‘limda maydonga tushishni xohlamagan, Belgiya terma jamoasi esa buni qo‘llab-quvvatlagan 

Futbol bo‘yicha Yevro—2024 saralashidan o‘rin olgan Belgiya va Shvetsiya o‘rtasidagi bahs (1:1) Bryusselda ikki nafar muxlis otib ketilgani sababli to‘xtatildi.

Bryusselda shvetsiyalik ikki nafar muxlis otib ketildi. Shuningdek, yana bir kishi jarohat oldi.

Het Laatste Nieuws xabariga ko‘ra, ushbu xabarni eshitgandan so‘ng shvetsiyalik futbolchilar ikkinchi bo‘limda maydonga tushishdan bosh tortgan. Belgiya terma jamoasi esa ularni qo‘llab-quvvatlagan. Natijada, uchrashuv qoldirildi. 

Ma’lum bo‘lishicha, ikki nafar muxlisning qotili ISHID a‘zosi Slayem S. ismli shaxs bo‘lgan. Qotil ushbu jinoyatni sodir etganidan so‘ng darhol ijtimoiy tarmoqlarga video joylagan. Slayem S. AQSHda o‘ldirilgan 6 yoshli bola uchun qasos olganini ta’kidlagan.