Boris Jonson Isroil tufayli Ukrainaga yordam kamayishi mumkinligidan xavotirda
Buyuk Britaniyaning sobiq bosh vaziri Boris Jonsonning fikricha, Yaqin Sharqdagi mojaro avj olgan bir paytda AQSHning Ukrainaga harbiy yordamini qisqartirish “fojiali xato” bo‘ladi.
“Kapitoliydagi ba’zilar Isroilga ko‘proq yordam berishni istasak, Ukrainani qo‘llab-quvvatlash masalasini qayta ko‘rib chiqishimiz yoki kamaytirishimiz kerakligini aytishmoqda. Bu fojiali xato bo‘ladi”, — deb yozdi u Telegraph nashri uchun yozgan maqolasida.
Sobiq bosh vazirning so‘zlariga ko‘ra, Isroildagi keskinlashuv “mohiyatan so‘nggi o‘n yil ichida Ukrainada olib borilgan kurash bilan bir xil”. Jonson Ukraina va Isroilni “erkinlik uchun yangi kurashning ikkita jabhasi” deb atadi, uning fikricha ha ikki mamlakatda umumiy qadriyatlar uchun kurash olib borilmoqda. Shu munosabat bilan Britaniya hukumatining sobiq rahbari Qo‘shma Shtatlarni har ikki davlatni qo‘llab-quvvatlashda davom etishga chaqirdi, chunki Ukraina ham, Isroil ham “G‘arb himoyasiga loyiqdir”, dedi u.
