Afsonaviy futbolchi Bobbi Charlton vafot etdi 

Angliyalik afsonaviy futbolchi Bobbi Charlton 86 yoshida vafot etdi.

“Chuqur qayg‘u bilan ma’lum qilamizki, ser Bobbi vafot etdi. U oilasi davrasida edi”, — deya xabar beradi afsonaviy futbolchining yaqinlari. 

Charlton “Manchester Yunayted”ning afsonaviy futbolchilaridan biri edi. Uning hisobida 758 o‘yinda 249 ta gol mavjud. Mankunianliklar safida Angliya chempionligi (3 marta), Angliya Kubogi, Yevropa Chempionlar Kubogi va Angliya Superkubogini (4 marta) qo‘lga kiritgan. 

Charlton 1966-yilda Jahon Chempioni bo‘lgan va “Oltin to‘p” sohibiga ham aylangandi. Bobbi 1958-yil Myunxen aviafojiasida tirik qolgan insonlardan biri edi. O‘shanda “Manchester Yunayted”ning 8 nafar futbolchisi halok bo‘lgan. 1968-yilda esa maydonga qaytgan.