Isroilning Kiprdagi elchixonasi yaqinida portlash yuz berdi

Bugun 21-oktyabr kuni Isroilning Kiprdagi elchixonasi yaqinida portlash yuz berdi. Taxminlarga ko'ra, portlovchi qurilma ishga tushirilgan.

 Cyprus Mail xabar berishicha, politsiya 17 yoshdan 21 yoshgacha bo‘lgan to‘rt erkakni hibsga oldi. Dastlabki ma’lumotlarga ko‘ra, to‘rt nafari ham Suriyadan Kiprga kelgan erkaklar bo‘lgan.

Mahalliy OAVlarning xabar berishicha, hodisa oqibatida hech kim jabrlanmagan. Kam quvvatli portlovchi qurilma elchixonaga kirishdan 30 metr uzoqlikda portlatilgan.