Instagram: O‘g‘illi bo‘lgan Davron Kabulov, o‘zbekcha reklamada suratga tushgan Sami Naseri, ko‘p bolali otaga aylangan Otabek Mirzaxolov

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

Jahon kinosi yulduzi Sami Naseri o‘zbekistonlik tadbirkorlarning mahsulotlari reklamasida suratga tushdi.

Taniqli aktrisa Sitora Farmonova kuzatuvchilariga yangi surat bilan ko‘rinish berdi. 

Xonanda Jaloliddin Ahmadaliyev Oltiariqdagi uzumchilar haqida kuzatuvchilariga video tayyorladi.

Xonanda Lola folloverlari uchun Londondan foto va video reportajlar tashkillashtirmoqda. 

Aktrisa Shahzoda Matchonova Leonardo Di Kaprio bosh rolni ijro etgan “Gulli Oy qotillari” filmini tomosha qildi va muxlislariga o‘z taassurotlarini so‘zlab berdi. 

“Rejissor Martin Skorsezening yangi filmida oq tanli amerikaliklar qanday qilib hindularni o‘ldirishi haqida hikoya qilinadi”, — yozadi Shahzoda.  

Uning qayd etishicha, Di Kaprio film uchun olgan gonorarining har bir sentini oqlagan hamda har doimgidek rolini mahorat bilan ijro etgan.  

Xonanda Ulug‘bek Rahmatullayev osh damlayotgani aks etgan suratni sahifasiga joyladi. 

“Bravo” kulgi jamoasi aktyori Otabek Mirzaxolov oltinchi marta otalik baxtiga sazovor bo‘ldi.

Munisa Rizayevaning turmush o‘rtog‘i Arseniy Moroz sahifasiga xonanda bilan tushgan suratini joyladi hamda oila birinchi o‘rinda ekanligi haqida yozib qoldirdi. 

23-oktabr kuni “Million” kulgi jamoasi sardori Davron Kabulov uchinchi marta ota bo‘lgani haqidagi xabarni kuzatuvchilariga yetkazdi.