Zoir Mirzayev qishloq xo‘jaligi vaziri etib tayinlanishi mumkinligi haqidagi xabarlar rad etildi

Ijtimoiy tarmoqlarda Toshkent viloyati hokimi Zoir Mirzayev qishloq xo‘jaligi vaziri etib tayinlanishi mumkinligi haqida xabarlar tarqaldi. Viloyat hokimi matbuot kotibi Behzod Qobulov buni rad etdi.

“Bu gaplar haqiqatga to‘g‘ri kelmaydi. Toshkent viloyati hokimi Zoir Mirzayev ayni paytda o‘z ishini davom ettirmoqda va kun tartibiga muvofiq, belgilangan vazifalar, chora-tadbirlar ijrosi bilan band”, — dedi u.

Viloyat hokimi matbuot kotibi tasdiqlanmagan axborotlarni tarqatish qonunchilikka muvofiq javobgarlikka sabab bo‘lishini ham eslatib o‘tdi.

Qashqadaryo viloyati sobiq hokimi Zoir Mirzayev 2021-yilning noyabridan buyon Toshkent viloyati hokimi lavozimida ishlab kelmoqda.