Tayson Fyuri va Frensis Ngannu o‘rtasidagi jang g‘olibiga WBC’ning maxsus kamari topshiriladi (foto) 

Saudiya Arbistonining Ar-Riyod shahrida 28-oktyabr kuni Queensberry kompaniyasi tomonidan boks kechasi tashkil etiladi.

Kechaning asosiy jangi og‘ir vazn toifasida Tayson Fyuri (33-0-1) va Frensis Ngannu (professional boksda debyut) o‘rtasida kechadi. 

WBC ushbu jang g‘olibiga maxsus kamar taqdim etadi. Kamar “Ar-Riyod chempioni” deb nomalanadi.

Maxsus kamarda jangchilardan tashqari Xose Sulaymon, Jo Freyzer, Muhammad Ali va Mayk Tayson suratlari tushirilgan. 

Eslatib o‘tamiz, Tayson Fyuri so‘nggi jangini 2022-yil dekabr oyinda o‘tkazgan va jangning 10-raundida Derek Chisorani texnik nokautga uchratgan edi. 

Frensis Ngannu esa 2023-yil yanvar oyida UFC’ni tark etganini ma’lum qilgandi. Sportchi 2022-yil yanvar oyida oktagondagi so‘nggi jangini o‘tkazgan va Siril Gan ustidan g‘alaba qozongandi.