Toshkentdan Madinaga uchgan samolyot ortga qaytishga majbur bo‘ldi

Panorama Airways’ning 27-oktyabr kuni Toshkentdan Madinaga uchgan samolyoti ortga qaytishga majbur bo‘ldi.

Uzbekistan Airports matbuot xizmatining xabar qilishicha, Toshkent—Madina yo‘nalishi bo‘yicha UZP-361 reysini amalga oshirayotgan samolyot parvozdan ikki soat o‘tib Toshkent aeroportiga qaytib keldi.

Mahalliy vaqt bilan soat 13:37 da bortida 377 nafar yo‘lovchisi bo‘lgan samolyot Toshkent xalqaro aeroportiga qo‘ndi. Texnik sabablarga ko‘ra uchish aeroportiga qaytish haqidagi qaror ekipaj tomonidan qabul qilingan.