AQSH o‘zining asosiy termoyadro bombasini yangilaydi
AQSH Mudofaa vazirligi xabariga ko‘ra, Qo‘shma Shtatlar o‘zining asosiy V61 termoyadro bombasini modernizatsiya qilmoqchi. Bunda yadro qurollarining umumiy soni oshmasligi va’da qilinmoqda.
Modernizatsiya dasturi Kongress tomonidan ma’qullanishi va zarur mablag‘ ajratilishi bilan VB61 termoyadro bombasi VB61-13 ga yangilanadi.
Yangilangan versiya B61-7 zaxirasining bir qismi o‘rnini egallaydi. Shuningdek, u B61-12 versiyasining eng zamonaviy modifikatsiyasiga xos bo‘lgan yuqori xavfsizlik va aniqlik ko‘rsatkichlariga ega.
Pentagonning aniqlik kiritishicha, bombani yanada modernizatsiya qilish qarori ayrim xalqaro voqealarga munosabat sifatida qabul qilinmasligi kerak. Biroq bu rejalar “dunyodagi xavfsizlik bilan bog‘liq o‘zgaruvchan vaziyatning baholanishini aks ettiradi”.
