Germaniya sudi Alisher Usmonovga tegishli mol-mulkning musodara qilinishini noqonuniy deb topdi va ularni qonuniy egasiga qaytarishni buyurdi
Frankfurt-Mayn sudi Germaniya Bosh prokuraturasi tomonidan milliarder Alisher Usmonovga nisbatan tergov doirasida olib qo‘yilgan hujjatlar va mol-mulkning musodara qilinishini noqonuniy deb topdi va ularni qonuniy egalariga qaytarishni buyurdi.
O‘tgan yili Germaniya Bosh prokuraturasi tomonidan Gamburgdagi “Dilbar” yaxtasida va Frankfurt-Mayn yaqinidagi Usmonov do‘stining oilasiga tegishli kvartirada tintuvlar o‘tkazilgan edi.
2023-yilda sud ayblovning dalillarini “noaniq shubhalar” va “asossiz taxminlar” deb ta’riflab, yetarli asoslar yo‘qligi sababli tergovni noqonuniy deb topdi.
Alisher Usmonovning advokati musodara qilingan materiallardan foydalanishni to‘xtatib, uni egalariga qaytarishni talab qildi. 2023-yil 26-oktyabrda sud bu talabni qanoatlantirdi va bu bilan musodara qilish noqonuniy bo‘lganini tasdiqladi.
Usmonov vakillarining fikricha, hibsga olingan mol-mulk noqonuniy olib qo‘yilgani sud tomonidan tan olinishiga qaramay, prokuratura tomonidan hanuzgacha saqlab turilgani qasddan qilingan huquqbuzarlikdir.
“Germaniyada Usmonovga nisbatan sud ishi qo‘zg‘atilishi boshlanganidan beri rasmiylarning xatti-harakatlari shubhalarga to‘la bo‘lib, jiddiy qonunbuzarliklar bilan ajralib turadi. Sudlar noqonuniy qarorlarni izchil va muvaffaqiyatli bekor qiladi. Shunday qilib, may oyida Frankfurt sudi o‘tgan yilgi shov-shuvli tintuvlarning asossizligi va noqonuniyligi haqidagi savollarga nuqta qo‘ydi.
Keyin Usmonovning advokatlarini qo‘rqitish maqsadida Myunxen advokatlik firmasida o‘tkazilgan tintuv noqonuniy deb e’lon qilindi. Nemis huquq-tartibot idoralari qonun doirasida harakat qila boshlashi uchun yana qancha sud qarorlari qabul qilinishi kerak?” — dedi Usmonovning gamburglik advokati Yoaxim Nikolaus Shtaynxefel.
