Oq uy ATACMS raketalari Ukrainaga urush borishini o‘zgartirishga yordam bera olmasligidan xavotirda —  NYT

Amerika Oq uyi rasmiylari Kiyevga topshirilgan ATACMS operativ-taktik raketalari Ukrainadagi urush borishini o‘zgartira olmaydi, deb xavotirda, deb yozadi The New York Times (NYT).

“AQSH prezidenti Jo Baydenning maslahatchilari va yordamchilari” manbalarining anonimlik sharti bilan nashrga ma’lum qilishicha, rus harbiylari frontda ATACMS paydo bo‘lishiga tayyorgarlik ko‘rishga ulgurgan.

“AQSH Zelenskiyga o‘zi so‘ragan barcha qurollarni, jumladan, uzoq masofali raketalarni ham berdi. Endi prezident Bayden ATACMS ukrainaliklarga unchalik yordam bermasligidan xavotirlanmoqda, chunki ruslar o‘z samolyotlarini ushbu qurollar yetib borolmaydigan hududlarga joylashtirmoqda”, — deyiladi NYT xabarida.

Nashr manbalarining ta’kidlashicha, Bayden va uning atrofidagilar Ukrainadagi urushdan “charchagan”, ular ko‘rsatilgan harbiy yordam va razvedka ma’lumotlari Ukrainaga urushda muvaffaqiyatga erishishga imkon bermaganligini tan olgan.