Finlyandiya Rossiya bilan chegaradagi barcha nazorat-o‘tkazish punktlarini yopmoqchi

Finlyandiya seshanbadan chorshanbaga o‘tar kechasi Rossiya bilan chegarada qolgan to‘rtta nazorat-o‘tkazish punktini yopishga tayyor. Bu haqda mahalliy OAV xabar berdi.

Bunga Suriya, Iroq va Somalidan qochqinlarning nazoratsiz oqimi sabab qilib keltirilmoqda.

Avvalroq Finlyandiya sakkizta nazorat-o‘tkazish punktidan to‘rttasini yopishga qaror qilgani xabar qilingandi.

“2023-yil 18-noyabrdan boshlab Vaalimaa, Nuijamaa, Imatra va Niirala chegara punktlari yopiladi. Finlyandiya va Rossiya o‘rtasidagi quruqlik chegarasida xalqaro himoya bo‘yicha murojaatlar Vartius va Salla chegara o‘tish joylarida qabul qilinadi”, — deyilgandi Finlyandiya hukumati bayonotida.