Xorazmda ayol uch nafar yosh bolani yoqib yuborish bilan tahdid qildi (video)

Xorazmda ayol uch nafar yosh bolaga nisbatan shafqatsiz muomalada bo‘lib, yoqib yuborish bilan tahdid qildi. Holat aks etgan video ijtmoiy tarmoqlarda tarqaldi. 

“Yog‘ bilan solyarkani olib kel. Hammangni yoqaman, keraging yo‘q. Keyin o‘zimniyam yoqaman. Jonimga tegdilaring”,— degan videoda ayol.

Bolalar ombudsmani matbuot xizmati bunga munosabat bildirdi. Dastlabki ma’lumotlarga ko‘ra, mazkur holat Xorazm viloyati, Urganch tumanida bo‘lgan. Hozirda bu holatni to‘liq aniqlash bo‘yicha ichki ishlar organlari tomonidan zudlik bilan surishtiruv ishlari olib borishga kirishildi.

“Bolalarga nisbatan bunday jinoiy harakatlar ularning ota-onasi yoki boshqa yaqin qarindoshlari tomonidan sodir etilishidan qat’iy nazar, aybdor shaxslarni qonunda ko‘zda tutilgan javobgarlikka tortish choralari ko‘rilishi ta’minlanadi”, — deyiladi munosabatda.

Mazkur holat Bolalar ombudsmanining alohida nazoratiga olindi.