Samarqanddagi maxsus tadbirlarda 47 nafar jinoiy guruh a’zolari qo‘lga olindi

Samarqand viloyatida maxsus tadbirlar davomida 47 nafar jinoiy guruh a’zolari qo‘lga olindi. Bu haqda O‘zA xabar berdi.

Ma’lum qilinishicha, Samarqand viloyatida ham “Dolzarb 40 kunlik” maxsus profilaktik tadbirlar doirasida jinoiy guruhlarga a’zo bo‘lgan, ijtimoiy muhitga salbiy ta’sirini o‘tkazishga uringan bir necha shaxslar qo‘lga olinmoqda.

Xususan, maxsus xizmat va huquq-tartibot idoralari tomonidan o‘tkazilgan reyd tadbirlari davomida Samarqand viloyatida 47 nafar jinoiy guruh a’zosi qo‘lga olinib, ularning 6 nafariga nisbatan jinoyat ishi qo‘zg‘atildi, 25 nafari ma’muriy tartibda qamoqqa olindi.

Reyd tadbirlari davomida ushbu shaxslardan giyohvandlik va psixotrop vositalar, sovuq qurollar (kastet, bita va b.) protsessual tartibda rasmiylashtirib olindi.