Daniya parlamenti Ukrainaga 1 milliard yevrolik yordam paketini taqdim etish masalasini ko‘rib chiqadi

Daniya parlamenti Ukrainaga katta miqdordagi yordam paketini taqdim etish masalasini ko‘rib chiqadi. 

Jumladan, Ukrainaga 1 milliard yevrolik tanklar va dronlar yetkazib berishni ko‘zda tutuvchi paket 14-dekabr, payshanba kuni mamlakat parlamentiga taqdim etiladi.

Bu haqda Daniya bosh vaziri Mette Frederiksen ma’lum qildi.

“Ertaga Daniya parlamentiga 1 milliard yevrolik harbiy yordam paketi taqdim etiladi. Paketga Ukrainaga hozir zarur bo‘lgan narsalar kiradi: o‘q-dorilar, tanklar, dronlar”, — dedi Daniya bosh vaziri.