Ursula fon der Lyayenning Yevroparlamentdagi nutqi itlarning akillashi bilan yakunlandi 

Yevropa komissiyasi rahbari Ursula fon der Lyayenning Yevroparlamentdagi ittifoqning qudrati haqidagi nutqi itlarning akillashi bilan yakunlandi.

“Fuqarolarimizga Yevropa birlashganda va boshini baland tutganda uning qudratini ko‘rsataylik. Yevropaga shon-shuhrat bo‘lsin”, — dedi fon der Lyayen Ispaniyaning YI kengashidagi raisligi yakunlari haqidagi nutqini tugatar ekan.

Uning so‘zlaridan so‘ng, dinamiklardan itlarning baland va uzoq davom etgan hurishi eshitildi. 

Bir necha soniyalik hayratomuz sukutdan so‘ng yevropalik deputatlar bu holatni kulgi bilan qarshi olishdi.