YCHL. “PSJ” va “Borussiya D” keyingi bosqichga yo‘l oldi, “Milan” esa Yevropa Ligasida o‘ynaydi, “Barselona” safarda imkoniyatni boy berib qo‘ydi (video)
Futbol bo‘yicha Yevropa Chempionlar Ligasining 6-turidan o‘rin olgan o‘yinlar 13-dekabr, chorshanba kuni bo‘lib o‘tdi.
F guruhida “PSJ” “Borussiya D” mehmoni bo‘ldi. Birinchi bo‘limda darvozalar ishg‘ol etilmadi. Ikkinchi bo‘limda esa nemis jamoasi hisobni ochdi. 51-daqiqada Karim Adeyemi o‘z nomini tabloga yozdirdi. Oradan ko‘p vaqt o‘tmay, Zair-Emeri hisobni tenglashtirdi. Qolgan daqiqalarda gol urilmadi va o‘yin 1:1 hisobi bilan yakunlandi.
Guruhning ikkinchi o‘yinida “Milan” “Nyukasl” ustidan 2:1 hisobida g‘alaba qozondi. Biroq, ushbu g‘alaba ham milanliklarga yetarli bo‘lmadi. “Borussiya D” 11 ochko bilan, “PSJ” esa 8 ochko bilan pley-offga yo‘l oldi. “Milan” esa 8 ochko jamg‘argan bo‘lishiga qaramay, qo‘shimcha ko‘rsatkichlar bo‘yicha parijliklarga imkoniyatni boy berib, Yevropa Ligasida o‘ynaydigan bo‘ldi.
O‘z guruhida pley-off masalasini hal qilgan “Barselona” safarda “Antverpen” mehmoni bo‘ldi. Uchrashuv 3:2 hisobida mezbonlar foydasiga hal bo‘ldi. “Antverpen” safida Artur Vermeeren, Vinsent Yanssen va Jorj Ilenikena o‘z hisobiga gol yozdirib qo‘ydi. Kataloniyaliklar tarkibida esa Ferran Torres va Mark Giular gol mualliflariga aylandi.
Shuningdek, “Manchester Siti” “Srvena Zvezda” mehmoni bo‘ldi va 3:2 hisobida zafar quchdi. “Shaharliklar” safida Mika Hamilton, Oskar Bobb va Kalvin Fillipslar darvozani ishg‘ol qildi.
YCHL
6-tur
13-dekabr, chorshanba
“Borussiya D” – “PSJ” 1:1
Gollar: 1:0 – 51 Adeyemi, 1:1 – 56 Zair-Emeri.
“Nyukasl” – “Milan” 1:2
Gollar: 1:0 – 33 Joelinton, 1:1 – 59 Pulishich, 1:2 – 84 Chukvueze.
“Antverpen” – “Barselona” 3:2
Gollar: 1:0 – 2 Vermeren, 1:1 – 35 Ferran Torres, 2:1 – 56 Yanssen, 2:2 – 90 Giu, 3:2 – 90 Ilenikena.
“Srvena Zvezda” – “Manchester Siti” 2:3
Gollar: 0:1 – 19 Hamilton, 0:2 – 62 Bobb, 1:2 – 76 Xvan In Bom, 1:3 – 85 Fillips (penalti), 2:3 – 90 Katai.
