Entoni Joshua Otto Vallinni muddatidan oldin mag‘lub etdi 

Saudiya Arabistonining Ar-Riyod shahrida 23-dekabr tunida boks oqshomi bo‘lib o‘tdi.

Oqshomning asosiy jangi Entoni Joshua hamda Otto Vallin o‘rtasida kechdi.

Beshta raundda ustunlik qilgan Joshua Vallin ustidan texnik nokaut evaziga g‘alaba qozondi. Ottoning burchagi beshinchi raunddan so‘ng jangni davom ettirmasligini bildirdi. 

Entoni Oleksandr Usikka qarshi ikkita jangdagi mag‘lubiyatdan so‘ng ketma-ket uchinchi jangida muvaffaqiyatga erishmoqda.

Shuningdek, 23-dekabr kungi boks oqshomida Dmitriy Bivol Lindon Arturni mag‘lub etdi, Jozef Parker esa hakamlar qaroriga ko‘ra Deontey Uaylderdan ustun keldi.