O‘zbekistonliklar Turkiyaga ishga taklif qilinmoqda. Maosh — 550 dollar 

O‘zbekiston fuqarolari Turkiyadagi mehmonxona ishlariga taklif etilmoqda. Bu haqda Tashqi mehnat migratsiyasi agentligi axborot xizmati xabar berdi. 

Ma’lum qilinishicha, ish turi: xona tozalovchi, oshxona ishchisi, yordamchi ishchi, maydon tozalovchi va boshqalar. Quyidagi imkoniyatlar taqdim etilmoqda:

• ish haqi 17000 Turkiya lirasi (550 dollar, soliqlar to‘langandan keyin);
• ish vaqti: 6 kun 8 soatdan; 
• konsullik yig‘imidan tashqari barcha xarajatlar ish beruvchi hisobidan.

Talablar:

• 18 yoshdan 45 yoshgacha;
• tajribaga ega bo‘lish;
• rus yoki ingliz tilida elementar darajada so‘zlasha olish;
• sudlanmaganlik;
• O‘zbekistondan chetga chiqishga taqiq yo‘qligi.

Ro‘yxatdan o‘tish.