AQSH HAMASning moliyalashtirish mexanizmlari haqidagi ma’lumot uchun mukofot e’lon qildi

AQSH Davlat departamenti Falastinning HAMAS harakatini moliyalashtirish mexanizmlarini aniqlashtiruvchi ma‘lumot uchun 10 million dollargacha mukofot to‘lashga tayyor.

“AQSH Davlat departamentining “Adolat uchun mukofotlar” dasturi HAMAS terrorchilik tashkilotining moliyaviy mexanizmlarini buzishga olib keladigan ma’lumot uchun 10 million dollargacha mukofot taklif qilmoqda”, — deyiladi departament xabarida.

Xususan, Davlat departamenti Falastin harakatining sarmoyaviy portfelidagi kompaniyalarni boshqaradigan HAMASning moliyaviy vositachilari, unga pul o‘tkazish va olingan daromadlarni “yuvish” bilan shug‘ullanadiganlar haqida ma‘lumot so‘ramoqda.

Departament HAMASning har qanday daromad manbalarini uzishga yordam beruvchi ma’lumot uchun pul to‘lashga tayyor.