Rossiyada 16 yoshli qizni zo‘rlamoqchi bo‘lgan o‘zbekistonlik qo‘lga olindi

Rossiyaning Sankt-Peterburg shahrida 16 yoshli qizni zo‘rlamoqchi bo‘lgan 41 yoshli O‘zbekiston fuqarosi qo‘lga olindi. Bu haqda “Fontanka” xabar bermoqda.

Hodisa 1-yanvarga o‘tar kechasi Zvenigorskaya ko‘chasida sodir bo‘lgan. Gumonlanuvchi voyaga yetmagan jabrlanuvchini ko‘pqavatli uyning zinapoyasida uchratib qolgan.

Tergov ma’lumotlariga ko‘ra, avvaliga u qizni bo‘g‘ib o‘ldirmoqchi bo‘lgan, so‘ngra kiyimlarini yirtib tashlagan. O‘z navbatida, qiz agressiv qarshilik ko‘rsatgan va erkakka yengil jarohatlar yetkazib, qochishga muvaffaq bo‘lgan, deyiladi xabarda.

O‘zbekiston fuqarosi 2-yanvar kuni qo‘lga olindi, unga zo‘rlashga urinish va jinsiy zo‘ravonlik aybi qo‘yildi. Shuningdek, u Rossiyada ro‘yxatdan o‘tmasdan yurgani maʼlum bo‘ldi.