Shvetsiya NATOga a’zo bo‘lgach, Latviyaga 800 askarini yuboradi
Shvetsiya 2025-yilda NATOga a’zo bo‘lgach, Latviyaga 800 nafar harbiy xizmatchi yuboradi. Bu haqda Shvetsiya bosh vaziri Ulf Kristersson “Xalq va mudofaa” anjumanida ma’lum qildi.
Uning so‘zlariga ko‘ra, Shvetsiya hukumati qisqartirilgan batalyon a’zolari Kanada boshchiligidagi NATO kuchlarining tarkibida qatnashishi haqida qaror qabul qilgan. Bu harbiylar guruhi Latviyada faoliyat olib boradi.
Shvetsiya janubidagi Lund shahri yaqinida joylashgan P 7 polkidan yuborilgan shved harbiylarining vazifasi mamlakat chegarasini qo‘riqlash bo‘ladi.
Ular NATOning Enhanced Forward Presence (EFP) qo‘shinining bir qismi bo‘ladi, unda turli a’zo davlatlar blokning eng sharqiy mamlakatlarida qisqa vaqtga qo‘shinlarini joylashtiradi. Latviyadagi EFP kuchlari Kanada tomonidan boshqariladi va 2 mingdan ortiq harbiyga ega.
