Jizzaxda farzandini qiynab, qo‘rqitib kelgan erkak ozodlikka chiqarilgani aytildi
Jizzaxda erkak o‘z farzandini muttasil ravishda qiynab, qo‘rqitib kelgani aniqlangani haqida xabar berilgandi. Tarmoqlarda mazkur erkak ozodlikka chiqarilgani haqida xabarlar tarqaldi. Bolalar ombudsmani mazkur xabarlarga oydinlik kiritdi.
Xabar berilishicha, Jizzax shahar IIB huzuridagi tergov bo‘limi tomonidan 2023-yil 21-dekabr kuni A.B.ga nisbatan Jinoyat kodeksining 110-moddasi 2-qismi “a,b” bandlari, 112-moddasi 1-qismi va 168-moddasi 4-qismiga binoan jinoyat ishi qo‘zg‘atilgan. Fuqaro A.B. Jinoyat-protsessual kodeksining 221-moddasi tartibida ushlanib, TIIB VSHga joylashtirilgan va bugungi kunda ham shu yerda saqlanmoqda.
A.B. tomonidan bolaning onasi Z.X.ga muttasil tazyiq o‘tkazib kelingani inobatga olinib, 2023-yil 28-dekabrda Z.X.ga himoya orderi berilgan hamda uning va voyaga yetmagan farzandi A.X.ning xavfsizligini ta’minlash choralari ko‘rilgan.
