UFC 300 turnirining ilk chempionlik jangi ishtirokchilari ma’lum bo‘ldi 

Las-Vegasda o‘tadigan UFC 300 turnirining navbatdagi ishtirokchilari nomi ma’lum bo‘ldi.

13-aprelda bo‘lib o‘tadigan musobaqada UFC chempioni Veyli Chjan o‘z hamyurti Yan Syaonanga qarshi oktagonga ko‘tariladi. Bu haqida UFC prezidenti Dana Uayt ma’lum qildi. 

Ma’lumot uchun, bu ikki xitoylik jangchi o‘rtasidagi UFC tarixidagi birinchi chempionlik jangi bo‘ladi.

Veyli so‘nggi jangini Amanda Lemosga qarshi o‘tkazib, ochkolari hisobiga g‘alaba qozongan. Yan esa Jessika Andradeni mag‘lub etgan. 

Eslatib o‘tamiz, UFC 300 doirasida, shuningdek, Charlz Oliveyra Arman Sarukyanga qarshi jang qiladi.