Krishtianu Ronaldu: “Saudiya ligasi Fransiya chempionatidan yaxshiroq” 

“An-Nassr” hujumchisi Krishtianu Ronaldu Globe Soccer Awards marosimida ishtirok etdi.

Portugaliyalik futbolchi eng yaxshi to‘purar, Yaqin Sharqning eng yaxshi futbolchisi, muxlislar talqiniga ko‘ra yilning eng yaxshisi deya e’tirof etildi.

Marosimda Ronaldu Saudiya chempionati haqida berilgan savolga quyidagicha javob berdi: 

“Saudiya ligasining darajasi ayni paytda? Hozirda bu liga Fransiya chempionatidan yomon deb bo‘lmaydi. Fransiyada 2-3 ta yaxshi jamoa bo‘lishi mumkin, Saudiyada esa chempionat raqobatbardosh. Bir yildan buyon shu yerdaman. Ular nima desa deyaversin, bu mening shaxsiy fikrim. Saudiya ligasi Fransiya chempionatidan yaxshiroq”.