Taxtaqoracha dovoni avtomobillar harakati uchun vaqtincha yopildi

Taxtaqoracha dovoni kuchli qor yog‘ayotgani sababli avtomobillar harakati uchun vaqtincha yopildi. Bu haqda FVV matbuot xizmati xabar berdi.

Qashqadaryo viloyatining Kitob tumanidan o‘tgan M-39 avtomobil yo‘lining Taxtaqoracha dovoni 29-yanvar kuni soat 10:20 dan boshlab vaqtincha yopildi.

Qayd etilishicha, ayni daqiqalarda FVV rahbarligida tegishli tashkilotlarning mutaxassislari tomonidan vaziyat oqibatlarini bartaraf etish borasida keng ko‘lamli profilaktik ishlar amalga oshirilmoqda.

Dovon yo‘li qayta ochilishi bo‘yicha qo‘shimcha ma’lumot taqdim etiladi.