Devin Heyni va Rayan Garsiya o‘rtasidagi jang sanasi ma’lum bo‘ldi

Las-Vegasda 20-aprel sanasida katta boks oqshomi bo‘lib o‘tadi.

AQSHda bo‘lib o‘tadigan boks kechasining asosiy jangi Devin Heyni va Rayan Garsiya o‘rtasida kechadi. 

Ushbu jang g‘olibi Heynining WBC yo‘nalishi bo‘yicha yengil vazn toifasidagi chempionlik kamariga ega bo‘ladi. 

Garsiya so‘nggi bor dekabr oyida ringga ko‘tarilib, sakkizinchi raundda Oskar Duarteni nokautga uchratgan edi. Uning hisobida 24 ta g‘alaba (20 ta nokaut) va bitta mag‘lubiyat bor.

Devin Heyni esa dekabr oyida Rejis Progreys ustidan hakamlar qaroriga ko‘ra g‘alaba qozongandi. Devin hisobida 31 ta g‘alaba (15 ta nokaut) bor.