Joze Mourinyo Lionel Messi bilan ishlash niyati borligini ma’lum qildi 

Portugaliyalik mutaxassis Joze Mourinyo Lionel Messi bilan ishlash niyati borligini ma’lum qildi.

“Roma” sobiq murabbiyi jurnalistlarning qaysi futbolchi bilan ishlashni xohlashi haqidagi savoliga javob berdi.

“Masalan, menga Messi bilan ishlash imkoniyati nasib etmadi, lekin Leoni hech kim shug‘ullantira olmaydi. Uni shug‘ullantirish degan gapni o‘zi shart emas, chunki u hammasini biladi. Uning o‘zi ba’zan sizga o‘rgatishi mumkin. Shunchaki siz u bilan bir jamoada ekanligingizni aytishingiz kerak, xolos.

Shuningdek, Daniele de Rossini “Inter” yoki “Real”ga olishni xohlagandim. Biroq, buning imkoni yo‘q edi. Tottini esa “Inter”da ko‘rmoqchi edim. Buning ham iloji bo‘lmagan. Mana shu futbolchilarni ishlagan jamoalarimga olgan bo‘lardim”, — deydi “Roma” va “Real” sobiq murabbiyi.