Polsha Putinning intervyusidagi ayblovlarga javob qaytardi
Rossiya prezidenti Vladimir Putin amerikalik jurnalist Taker Karlsonga intervyu berib, unda polyaklar Adolf Gitlerni 1939-yilda Ikkinchi jahon urushini boshlashga “majbur qilgani” haqida aytib o‘tgandi.
Polsha tashqi ishlar vaziri Radoslav Sikorski Putinning bu gaplariga munosabat bildirdi.
Vazir bunday “to‘qima rivoyatlar”ni amerikalik jurnalist Taker Karlson tarqatayotganidan hayratda ekanligini ta’kidladi.
“Rossiya diktatori Vladimir Putin 1939-yil 17-sentyabrda SSSR tomonidan bosib olingan Polshani urush boshlaganlikda birinchi marta ayblayotgani yo‘q. Biz Rossiyaning 2022-yilda Ukrainaga bostirib kirishini paranoik tarzda oqlashga urinishiga o‘rganib qolganmiz. Bu safar amerikalik jurnalist ham bunga qo‘shilganidan hayron qoldik”, — deb yozgan Sikorskiy.
