Dunyoda ilk bor interaktiv ko‘ylak yaratildi
Nyu-York moda haftaligida dizayner Kristian Kouen FW24 kolleksiyasidagi Adobe Project Primrose nomli interaktiv libosini taqdim etdi. Ko‘ylak yaratilish jarayonini o‘zining Instagram sahifasiga joyladi.
Ushbu libosni yaratishda Adobe tadqiqotchisi va muhandisi Ti Jey Rouds, Project Primrose muallifi Kristina Dirk hamkorlik qildi.
Interaktiv libos ikki qismdan iborat. Yuqori qismi lazer yordamida kesilgan va qo‘lda ishlov berilgan suyuq kristall dispersiyalardan tayyorlangan 1264 dona barglardan iborat. Ular model yurganida tashqi ko‘rinishini o‘zgartiradi. Pastki qismi esa kumush rangli yulduz shaklidagi yorqin dekordan tuzilgan.
Adobe interaktiv libosining har bir qismi ostida egiluvchan elektron plata yashiringan bo‘lib, ko‘ylak ranglarini almashtirish imkonini beradi.
Bunday libosni yaratish loyihasi 2013-yilda boshlangan. 2017-yilga kelib Project Glasswing hamkorlik qilishni boshladi. Umumiy hisobda interaktiv libos yaratilishiga 10 yillik tadqiqot va tajribalar kerak bo‘ldi.
