Kiyimlarni taxlaydigan, gullarni sug‘oradigan va zefir qovuradigan odamsimon robot (video)
AQSHning Silikon vodiysida joylashgan MagicLab startapi o‘zining so‘nggi MagicBot robotini ommaga namoyish etdi. Uy yumushlarini bajarish imkoniyatiga ega ushbu robot ajoyib yordamchi bo‘lishi mumkin:
Videoda MagicBot qanday qilib qo‘llarini mahorat bilan harakatlantirishi ko‘rsatilgan. Yaxshi motorikaga ega bunday robot zefir qovurishi, kiyimlarni chiroyli qilib taxlab qo‘yishi, gullarni sug‘orishi va fokus (tuxumni to‘pga aylantiradi) ko‘rsatishi mumkin. Robot-yordamchi raqsga tushishni ham biladi.
MagicBot 2024-yil yanvar oyida taqdim etilib, hozirda Tesla Optimus’ning asosiy raqobatchisi sanaladi.
MagicBot muhandislari ularning roboti Tesla’dan aqliy jihatdan ancha yaxshi ekanini ta’kidlamoqda. Misol uchun, MagicBot inson qo‘li imo-ishoralarining 70 foizini takrorlashga qodir. Bundan tashqari, robot og‘ir yuk ko‘tarish xususiyatiga ega va yiqilishlarga bardoshlidir.
