O‘zbekistonlik bokschi Qozog‘iston nomidan jang qiladi 

Boks bo‘yicha 2023-yilgi O‘zbekiston chempionatining bronza medalini qo‘lga kiritgan Aman Qo‘nisbekov Qozog‘istonga ko‘chib o‘tdi.

71 kilogrammgacha vazn toifasidagi bokschi Aman Qo‘nisbekov tarixiy vataniga ko‘chib o‘tdi. Bundan keyin u Turkiston viloyati nomidan boks musobaqalarida qatnashadi.

So‘nggi O‘zbekiston chempionatida Qo‘nisbekov yarim finalda jahon chempioni Asadxo‘ja Mo‘ydinxo‘jayevga qarshi ringga ko‘tarilib, uch raunddan so‘ng hakamlarning bahsli qarori bilan imkoniyatni boy berdi. O‘sha qarama-qarshilikning birinchi raundida Aman raqibini nokdaunga tushirishga muvaffaq bo‘lgandi.