Ramos Mbappega Madriddagi uyini sotadi

L’Equipe xabariga ko‘ra, Mbappe bu borada Ramos bilan aloqada bo‘lib turibdi. Ushbu ikki futbolchi “PSJ” jamoasida ikki yil birgalikda harakat qilgan. Kilian hozirda “Sevilya” jamoasida harakat qilayotgan Ramos bilan “Real”ga ko‘chib o‘tishi haqida suhbatlashgan. Serxio Ramos fransiyalik hujumchiga Madriddan uy topishga ham yordam beradi.

Qayd etilishicha, Serxioning Ispaniya poytaxtida bir nechta uylari bor va ulardan birini Mbappega sotishi ham mumkin.

Futbolchining onasi ham uy izlash uchun Ispaniyaga kelgani haqida xabarlar tarqalgan edi.
25 yoshli o‘yinchi “PSJ” safida ushbu mavsumda 32 o‘yinda maydonga tushib 32 bor raqiblar darvozasini ishg‘ol qilishga erishdi.