Entoni Joshua va Frensis Ngannu jangi 2-raunddayoq yakunlandi 

Saudiya Arabistonining Ar-Riyod shahrida joylashgan Kingdom Arena majmuasida 8-mart, juma kuni katta professional boks oqshomining markaziy jangi yakunlandi.

Unda og‘ir vazn toifasida britaniyalik bokschi Entoni Joshua kamerunlik Frensis Ngannuga qarshi ringga chiqdi.

10 raund davom etishi kerak bo‘lgan jang 2-raunddayoq muddatidan oldin yakunlandi. Unda Entoni Joshua Ngannuni nokautga uchratdi.

Bu Joshua uchun 31-jangda qo‘lga kiritilgan 28-g‘alaba hisoblanadi. Ngannu esa o‘zining ikkinchi jangida ikkinchi mag‘lubiyatini qabul qilib oldi.

Ushbu jang kechasida o‘zbekistonlik Isroil Madrimov rossiyalik Magomed Kurbanovga qarshi jangda g‘alaba qozonib, WBA kamari sohibiga aylandi.